Paminawa ko!

Kun isumbong ko ang tanan
Naa ba kay dughan aron imong mapaminawan?

Kun isulti ko ang tanan
Naa ba kay kahibalo aron imong masabtan?


Kun ihilom ko ang tanan
Naa ba kay dalunggan aron imong madunggan?

Intawn, higala hununga na ang pagbangutan
Hununga na ang paduha-duha sa akong kabuotan


Ugma damlag, muhangad ako sa adlaw
Ug kanimo dili na magpatim-aw
Paaboton ko na lang ang pagsalop sa adlaw
Ug didto sa kangitngit ,ang tanan akong isinggit.


Intawn paminawa...